ASMARADANA DONGA SLAMET
Sinerat dening widodo BS
Hamiwiti puja bekti
Sembah mring Hyang Maha
Nasa
Rama ibu ping kalihe
Katur konjuk mring pra
dwija
Panutuning agesang
Pinundhi ing siang dalu
Sinembah ing saben
mangsa
Leluhur pepundhen sami
Danyang pangrekseng panggonan
Bumi banyu watu wite
Ing indhenging Tanah
Jawa
Miwahing Nuswantara
Sun puja pundi mrih
luhur
Luhur asalaminira
Pusakanira tan lali
Kayu watu wesi mantra
Satwarecalan kitabe
Tilaran empu pujangga
Dwija brahmana raja
Sun ruwat rumating
kalbu
Kinarya sambunging rasa
Cinupet puja lan bekti
Lepat nyuwun pangaksama
Lumuntur pangapurane
Miwah paring pangayoman
Mring putra wayah samya
Berkah pangertu sun
suwun
Sanguh anetepi darma
MIJIL BIMASUCI
Hyang Baruna Hyang Indra Dewadi
Kidir Pamonginggong
Kanjeng Ratu Kencana
sarine
Nyai Lanjar Sahid Jaga
Kali
Dhedhanyanging warih
Sun puja pukulun
Aduh Gusti
lilanana
mami
Ajamas myang ciblon
Sumber agung kang
wening warihe
Saranane reresik sesuci
Lahir miwah batin
Njalaran aluhur
KINANTHI PUJA BHEKTI
Hong mastuhu jati agung
Bawana langgeng murwani
Purwaning patrap panembah
Manembah asalireki
Asalira saking paran
Ya sangkanira dumadi
Dedunung ing awang-uwung
Suwung asawang asepi
Pinasthi kang gawe gesang
Sunaring ngaurip manjing
Manjing marang biyung bapa
Pinurwa kridha saresmi
Mani manunggal rah ibu
Bubuka manitis wiji
Wijilnya mawujud jabang
Bang bayi bangkit tumuli
Tumitah ing alam padhang
Anyandhang wajibing urip
Sumurupa sira kulup
Mring
asal usulireki
Karya dhasaring
panembah
Manembah mring yayah wibi
Yeku Gusti katon mlela
Wajib pinuja binekti
Tumunten puji tumuju
Jejer
lajer
trah
manginggil
Kaki nini buyut canggah
Wareng udheg siwur ugi
Gantung Siwur haywa lena
Kinurmat pinujabekti
Tarangan Bodhol trusipun
Debog Bosok datan lali
Galih Asemira uga
Mangkono sebatanira
Leluhur kita sasami
No comments:
Post a Comment