Kacang Mayasi

KACANG MAYASI

Dening: Sulistiyowati

Dandanane necis,
Bengese tipis,
Lambene klimis,
Yakin, kadya golonganing Borjuis!
Persis!
Apa merga lambe klimis, banjur ceriwis?

            Saben ana wong kang ngomong, protes
            Ana kang duwe panyaruwe, ora direwes
            Hla bareng tumeka jatahe ngomong, malah rembes!
            Iki hlo delengen, eluh mu ketes-ketes! Ha ha ha

Pancen jenenge wae cangkem
Yen ora dicancang ya ora mingkem
Gawene protes, didangu malah mlempem
Ala jiwa mu yem, yem!

            Kacang…
            Ngono iku ingaranan kacang
            Aja salah!
            Ora kaya lumrahing kacang!

Eingana…
Sing sapa salah, kudu seleh
Yen kowe protes maneh, bakal keweleh
Wis ta, tatanen maneh
Aja pijer luwah-luweh!

            Rungokna ya, dak kandhani!
            Yen ana wong ngomong iku
            Wajib ukume kudu ngurmati
            Aja malah angger nyelani
            Apa kowe ora ngerti?
            KACANG MAYASI!
            Alias…
            Kakean Cangkem Marai EMOSI!